Skip to main content

Arteixo súmase ao Día da Diversidade Sexual

Sensibilizar sobre a importancia da tolerancia e a igualdade das persoas, independentemente da súa orientación sexual e identidade de xénero é o obxectivo da campaña "Liberdade de ser e sentir" coa que a Deputación Provincial de A Coruña conmemora, mañá venres, o Día da Diversidade Sexual á que se suma Arteixo xunto con outros concellos coruñeses. 

O Día Internacional do Orgullo LGTBQI+ que ten lugar o 28 de xuño conmemóranse os disturbios de Stonewall (New York) de 1969 que marcaron o inicio do movemento de liberación homosexual. Este ano cúmprese o 50 aniversario deste fito histórico a prol da liberdade e a diversidade sexual.