Skip to main content

O Concello lembra aos afectados polo proxecto de novo tendido eléctrico que poden presentar algacións ata o 5 de febreiro

O Concello lembra aos afectados polo proxecto do novo tendido eléctrico de 13'6 km que poden presentar alegacións ante a Xunta de Galicia, en contra de esta infraestructura, O prazo remata o próximo 5 de febreiro. 

O executivo local xa amosou a súa oposición frontal a este proxecto que conectaría un parque eólico na zona de Monteagudo, aínda que no Concello de Carballo, con unha subestación no Polígono de Morás. Percorrería 13'6 km de territorio municipal. 

Carlos Calvelo advirte dos perxuízos medioambientais que supón a construcción dun tendido con 47 torres eléctricas, sobre todo ao atravesar varios entornos de gran importancia natural e paisaxística na zona sur do municipuio.

O alcalde sinala no seu escrito presentado como alegación, xa no trámite de exposición pública, que “o trazado proposto no proxecto atravesa 13.600 metros no territorio de Arteixo, por tanto en Reserva da Biosfera, afectando de cheo á paisaxe, medio ambiente e sustentabilidade deste amplio territorio, afectando de forma crítica e irreversible ás unidades de paisaxe que recoñece o POL de Xermaña, Sorrizo, Barrañán, Vales de Barrañán, Lañas, Rego dás Pontellas e Val do río Arteixo ( Bolaños). Así mesmo, impacta notablemente no val de Loureda que corta transversal e lonxitudinalmente, en case 3 quilómetros”..

No seu escrito tamén sinala o primeiro edil que se pode acadar o mesmo obxectivo con menor perxuízos e espera que se acepten as súas alegacións e se busque outra solución técnica para transportar a electricidade de este parque eólico.

Documentos: