Pasar al contenido principal

As bases dos concursos anticipan a chegada do entroido

O entroido 2020 repartirá un total de 8.770 euros en premios repartidos nos distintos concursos de carrozas, comparsas e disfraces de adultos que convoca a concellería de cultura. 

As bases, xa publicadas no BOP, establecen que o prazo para se inscribir comeza o 7 de febreiro. 

O concurso infantil celebrarase no Pazo dos Deportes o domingo 23 de febreiro ás 17:30 h.O prazo de inscrición está aberto ata o 14 de febreiro. Entrega de inscricións por sede electrónica: https://sede.arteixo.org/opencms/gl/, no Rexistro Xeral ou no SM de Cultura, situado no Centro Cívico Cultural de Arteixo, ata as 14:00 h do día 14 de febreiro de 2020. Este prazo poderá ampliarse ata o mesmo día do concurso se así o determina a Organización.

O concurso de carrozas, comparsas e disfraces de adultos/as será, como cada ano o martes de Entroido, 25 de febreiro. O desfile comezará ás 17:30 h. As persoas interesadas teñen de prazo para efectuar a súa inscrición ata o 14 de febreiro. Entrega de inscricións por sede electrónica: https://sede.arteixo.org/opencms/gl/, no Rexistro Xeral ou no SM de Cultura, situado no Centro Cívico Cultural de Arteixo, ata as 14:00 h do día 14 de febreiro de 2020.

Para máis información hai que chamar ao 981641803

entroido