Ir o contido principal

Arteixo convértese nun laboratorio para o urbanismo

Arteixo e o Centro de Estudos Superiores de Galicia (CESUGA) colaborarán no estudo e investigación da realidade do municipio. O acordo permitirá que os alumnos e os profesores do centro utilicen Arteixo como un laboratorio de urbanismo de acordo ás estratexias procedentes dos fondos FEDER da Unión Europea. 

O obxectivo deste acordo, que non ten contraprestación económica por ningunha das partes,  é xenerar proxectos que teñan Arteixo como base.

Carlos Calvelo e o presidente de CESUGA, José Varela asinaron hoxe este convenio. 

O Plan Novoarteixo, que logrou cinco millóns de euros de fondos europeos para o financiamento de estratexias de desenvolvemento urbano sostible,  é un dos documentos que CESUGA utilizará como base para os seus traballos. 

O executivo local considera que debe de colaborar en aqueles proxectos académicos que teñan por obxecto a maior información e intercambio de coñecementos dirixidos á sensibilización e concienciación da sociedade no proxexto urbano e nos aspectos relacionados co mesmo.