As bibliotecas celebran a semana de Rosalía
Co gallo do día de Rosalía de Castro , o 24 de febreiro próximo, a Rede Municipal de Bibliotecas que coordina a Concellería de Cultura, desenvolverá unha serie de actividades coas que pretende lembrar e homenaxear a figura da matriarca das letras galegas.
Os días 19 e 22 de febreiro dous grupos da ESO do Instituto Manuel Murguía visitarán a Biblioteca Central, na que Lisístrata representará, dunha maneira teatralizada, a vida de Rosalía de Castro.
Na Biblioteca Central de Arteixo, ademáis, mostrarase toda a bibliografía, os libros do noso fondo escritos por Rosalía ou que falen da autora protagonista deste día.
