As bibliotecas enchen de actividade o mes do libro
O colofón será o 21 de abril co reparto de libros no Feirón semanal.
Caxoto, Tótem, Christian Magic, Cornelia Craft, Iván Serran, Purpurina, xunto con visitas ós distintos centros educativos municipais conforman o programa das bibliotecas municipais para celebrar, durante todo o mes de abril, o día do libro.
O día internacional do Libro pretende, en todo o mundo, fomentar a lectura, a industria editorial e a protección da propiedade intelectual por medio dos dereitos de autor. É unha celebración que promove a UNESCO dende o ano 1995 e que se iniciara o 23 de abril do ano 1996 e que actualmente se conmemora en máis de cen países.
A data do 23 de abril escolliuse porque supostamente coincide coas datas do finamento de Miguel de Cervantes, William Shakespeare e o Inca Garcilaso de la Vega no mesmo día do ano 1616.
