Ir o contido principal

A mostra de Artesanía trae a Arteixo máis de vinte pezas de reputados artesáns galegos

Esta réplica dunha extraña gaita de fol que acompaña o texto e á música dunha das Cantigas de Santa María, construída por Pablo Carpinteiro Arias, mereceu o primerio premio na categoría de artesanía tradicional e preside a sala de exposición durante os meses de xullo e agosto.

Xunto a ela, as excelentes pezas de uns 20 reputados artesáns galegos engalanan para estas festas esta instalación municipal, onde tamén destacamos a presenza da talla Cabaliño de mar do noso conveciño de Figueiroa José Miguel Rabuñal Grela.

A XI Edición do certame de artesanía achega a Arteixo porcelanas, vaixelas, xoguetes, carteiras e floreiros trenzados en palla, traxes tradicionais, mandís, bufandas ou chales de liño, colares, medallóns, pezas de escritorio en madeira ou incluso unha fouce en damasco.

Con este certame a Deputación pretende revalorizar e axudar a difundir a artesanía de Galicia, e contribuir así á continuidade dos obradoiros dos artesáns e artesás que, co seu traballo manual, preservan e adaptan á actualidade os traballos tradicionais que forman parten da identidade da provincia da Coruña e de toda Galicia.