A música da Orquestra de neno da Sinfónica de Galicia protagoniza a fin de semana cultural
Cento setenta novos talentos musicais, entre orquestra, "Coro Novo" e "Coro de nenos cantoes" traen a Arteixo un ambicioso concerto no que interpretarán obras de autores como Tchaikovsky, Mozart, Purcell ou a contemporánea Sheila Nelson.
A orquestra de nenos da sinfónica de Galicia, dirixida por Jorge Montes e Enrique Iglesias, está composta por 83 nenos e nenas de entre 6 e 15 anos,entre os que atopamos ós violinistas de Arteixo Baldomero Mourelle e Román Mato que foron alumnos da Escola Municipal de Música.
A actuación da orquestra, que chega acompañada dos coros infantil e xuvenil, forma parte do seu programa e educativo “Son Futuro” co que se pretende descentralizar a excelencia artística da agrupación facéndoa chegar á veciñanza dos diferentes municipios da provincia.
O Auditorio do Centro Cívico de Arteixo acolle esta actuación o sábado 23 de xuño ás 18.00 h e a entrada, con invitación, pódese recoller dúas horas antes do concerto na billeteira do CCC.
