Ir o contido principal

Nova ruta de senderismo polo Concello

O vindeiro venres 31 de agosto realizarase a segunda andaina pola Senda do Río Sisalde, cuxo percorrido desta volta vai desde a área Recreativa dos Barreiros en Monteagudo até a Fraga de Sisalde en Barrañán, onde ao día seguinte se celebra o segundo Festival Folk Río Sisalde. Será un percorrido duns dez quilómetros, de dificultade baixa e apto para a rapazada a partir de oito anos que estea acostumada a camiñar.


A saída está prevista para as 10.00h da Oficina de Turismo e o regreso será aproximadamente ás 14.00h. A viaxe até o lugar da camiñada así coma o regreso realizarase en autobús.


Haberá monitorado especializado en senderismo e entregaranse mapas orientativos desta senda para cuxa realización se pode realizar a inscrición na Oficina de Turismo, ben presencialmente ou ben chamando ao 981 659 176.

Sisalde_cartel