Programa Emprega Xuventude de incentivos á contratación e formación de persoas mozas para o ano 2019
Obxecto e finalidade:
Inserción laboral das persoas mozas menores de 30 anos desempregadas que presentan desvantaxes e dificultades particulares para permanecer no mercado de traballo, a través dos seguintes programas (compatibles):
- Bono de contratación, subvención para a contratación indefinida inicial e a temporal cunha duración mínima inicial de doce meses realizadas con persoas desempregadas menores de 30 anos a tempo completo.
- Bono de formación (opcional), dirixido ás persoas contratadas por esta orde, para mellorar os coñecementos e habilidades relacionados co posto de traballo.
Ámbito temporal
Contratacións realizadas entre o 01.10.2018 e o 30.09.2019.
Prazo de solicitudes
O prazo para as solicitudes polas contratacións realizadas entre o 01.10.2018 e o 09.04.2019 será ata o 09.06.2019. As contratacións realizadas a partir do 10.04.2019, será ata o último día do segundo mes seguinte á data en que se inicie a relación laboral indefinida ou temporal subvencionada (prazo máximo 30.09.2019), obrigatoriamente por medios electrónicos a través do formulario normalizado dispoñible na sede electrónica da Xunta de Galicia https://sede.xunta.gal.
Máis información en:
CENTRO ARTEIXO INNOVACION
Concellaría de Promoción e Desenvolvemento
Avda. Arsenio Iglesias, Parc.46 (Arteixo)
Tfno. núm. 981 640 572.