Pasar al contenido principal

Jazz pola igualdade no centro cívico

O Festival Metropolitano de Música e Artes pola Igualdade, volve a Arteixo.

Trátase dun micro festival, un evento artesano de cultura , organizado por tres empresas galegas, no que as mulleres creadoras son as protagonistas e no que se procura un público de mente aberta, que se achegue a diversas artes e diversos espazos e estilos.

Marina Gundín & The Ministers é un proxecto que une a sonoridade dun quinteto de jazz ao uso, con arranxos e temas propios.

O seu repertorio, ten como base estética as composicións de jazz de mediados de século XX e desenvolven dita  sonoridad con seccións máis modernas.

A cita é este venres, 31 de maio, ás 20:00 h no Auditorio do CCC de Arteixo, con entrada a 3 €  ou 2,25 € para colectivos especiais que o acrediten.