A música e o desenvolvemento dos bebés
Rubén Someso, Profesor certificado na Music Learning Theory polo Instituto IGEME de Madrid, é o encargado de dirixir esta actividade que ten como obxectivo o desenvolvemento da intelixencia musical dos nenos dende o comezo da súa vida.
As persoas admitidas terán do 16 ao 18 de outubro para formalizar a matrícula da actividade, e deben de entregar o xustificante de pagamento no departamento de Relacións coa Comunidade Educativa.
Debido a boa acollida desta actividade de música vivencial e cubertas todas as prazas para a edición dos xoves de 16:00 a 16:45, ábrese un novo grupo para as persoas que quedaron en lista de agarda os martes de 16:00 a 16:45 h. Os interesados poden formalizar a matrícula no departamento de Relacións coa comunidade Educativa.
Trátase dunha clase de música vivencial de 45 minutos á semana. Neste espazo, un mestre especializado na Teoría da Aprendizaxe Musical crea un ambiente e pon en marcha dinámicas musicais, propicias para o desenvolvemento da intelixencia musical dos bebés de 0 a 3 anos.
A actividade se desenvolverá todos os xoves de outubro a xuño de 16 a 16.45 h. Para se inscribir hai que acodir á concellería de relacións coa comunidade educativa ata o 11 de outubro próximo entre as 10 e as 14 h. Si hai maior número de inscricións que de prazas se realizará un sorteo.
