Ir o contido principal

O fútbol feminino súmase ó programa deportivo das festas do Apóstolo

O fútbol feminino desembarca no programa deportivo das festas do Apóstolo da man da SCD Pastoriza. O próximo 25 de xullo  o campo municipal Ponte dos Brozos acollerá o primeiro torneo feminino que congregará, dende as 10 da mañá, as categorías inferiores e ao equipo sénior do clube. 

O programa deportivo complétase coa celebración, dende o día 21, do XIV Torneo de Fútbol Santiago Apóstolo "Memorial Lisardo Campos" que durante catro días disputarán os equipos do Atlético Arteixo, o Victoria C.F.; O Atl Coruña e o Club del Mar.  A final se disputará o día 25. 

Tamén as festas traen unha nova edición do memorial de xadrez adicado á memoria de Miro Penide que se celebrará no Pazo dos Deportes e o XXVI Torneo Chaveiro. Ambos o día 25. 

Tamén o día de Santiago o campo de golf de Larín acollerá o XVII Trofeo de Golf do concello. Será entre as 9 da mañá e a unha do mediodía.