Ir o contido principal

Os programas de educación volven á Aula da Natureza

A Concellería de Educación retoma as actividades da Aula da Natureza para o curso 2019/2020. 

Trátase dos programas "Xogando coa música" adicado aos bebés de 0 a 4 anos e que se desenvolverá de Outubro a xuño todos os mércores en sesións de 45 minutos. 

"Xogando a medrar", un dos programas máis veteráns, diríxese ás familias con menores de 9 a 36 meses de idade (non escolarizados) a través da cal se ofrece formación e información sobre o desenvolvemento das súas fillas e dos seus fillos. Hai dous grupos de idade e 20 prazas en cada un deles. 

A iniciativa complétase coas "Luditardes", un espazo educativo para a estimulación e aprendizaxe a través do xogo para rapazada de infantil e primaria; e a "Horticultura" para os de 6 a 12 anos que queiran crear o seu propìo horto. 

Os prazos para se inscribir xa están abertos na Concellería de Educación na Avenida dos Bosques.