Prazas vacantes no programa "Cultiva o teu lecer"
O programa da Concellería de Maiores e Actividades "Cultiva o teu lecer", dispón aínda de prazas libres en distintas actividades.
Os empadroados interesados en participar nalgunha delas pódense inscribir os días 4, 5 e 6 de setembro de 9:00 a 13:30 h. no Centro de maiores " A Baiuca" ou a través do correo electrónico baiuca@arteixo.org
Os que non estean empadroados poden facelo o venres 13 de setembro no mesmo horario e lugar.
O programa "Cultiva o teu lecer" ofrece a posibilidade de participar en distintos centros municipais en actividades como bailes de salón, sevillanas, bolillos, restauración ou labores entre outras.
