A riqueza das Mariñas na aula de natureza
A Concellería de relacións coa Comunidade Educativa, en colaboración co CEIDA e a Deputación da Coruña levaron ao Centro de Interpretación-Aula da Natureza “ Muíño Vello” de Arteixo. a primeira das catro mistras que acollerá nos próximos catro meses e que, nesta ocasión, protagonizaron as Areas Mariñas Protexidas.
A exposición, estrutúrase en catro bloques: os Recursos do mar, as Problemáticas de conservación, a Pesca en Galicia e as Áreas mariñas protexidas. Pretende dar a coñecer esta figura como estratexia eficaz de conservación do mar e do litoral, achegar este concepto ao público e á sociedade, sensibilizar ao visitante respecto da importancia do mar e do litoral como patrimonio cultural, económico e social, e evidenciar o papel que cada un de nós, sen importar a idade, pode xogar, para contribuír na conservación do medio mariño.
Pódese visitar ata o 7 de novembro, na planta baixa da Aula da Natureza do “ Muíño Vello” en horario de mañá (09:30 a 14:00) e tarde (16:30 a 19:00 horas).
A exposición, cedida temporalmente polo CEIDA, forma parte dun conxunto de mostras concibidas como “ferramentas de divulgación para fomentar entre a cidadanía o compromiso e a necesidade de conservación do patrimonio natural e cultural” polo que os seus contidos son accesibles a todo tipo de público.
