Subvencións para actividades de fomento da igualdade entre mulleres e homes e de loita contra a violencia de xénero
O Concello de Arteixo abre o prazo para a presentación de solicitudes da convocatoria de subvencións para actividades de fomento da igualdade entre mulleres e homes e de loita contra a violencia de xénero, durante o ano 2018.
Os programas que se subvencionan son dous:
A.- Programa Igualdade
B.- Programa de loita contra a Violencia de xénero
Entidades Beneficiarias
Entidades locais legalmente constituídas que cumpran os requisitos especificados na Ordenanza Xeral reguladora da concesión de subvencións municipais e nas bases reguladoras.
1º) Entidades legalmente constituídas e inscritas no Rexistro Municipal de asociacións no momento da solicitude, que desenvolvan actividades de interese para o concello, dentro do seu termo municipal ou en beneficio del.
2º) Persoas físicas que realicen actividades de interese municipal e que cumpran os requisitos sinalados nas bases.
3º) Centros educativos, ou consellos escolares dos Centros educativos municipais.
Todas as accións ou actividades poderán dirixirse a poboación infantil, xuvenil ou adulta e a participación poderá ser mixta. Respecto aos talleres para grupos, deberán contar cun mínimo de 10 persoas participantes e estar dirixidos por monitorado especializado.
- Consignación orzamentaria: 3.000,00 €
- Prazo de presentación de solicitudes: ata o 12 de xuño de 2018
- Lugar de presentación: rexistro municipal
- Prazo para xustificar: 30 de novembro de 2018
- INFORMACIÓN: No CIM
Os modelos normalizados de solicitude estarán a disposición das persoas interesadas no Rexistro Xeral, no Centro de Información á Muller (CIM) e na páxina web municipal.
Bases (BOP nº 89 do 11 de maio de 2018)