Ir o contido principal

Todo o ocio de Arteixo nunha nova edición do "Outono Cultural"

A Concellaría de Cultura pon en marcha, un ano máis, o seu programa "Outono Cultural, un dos de máis aceptación entre a veciñanza e que ofrece a posibilidade de disfrutar de distintas linguaxes escénicas da man de compañías e grupos fortemente consagrados no panorama artístico galego e nacional. 

Teatro, Música, Cinema e Monólogos son algunhas das disciplinas que se desenvolverán durante os meses de outubro, novembro e decembro nos Auditorios de Arteixo e Meicende.

O programa arranca o próximo 27 de setembro co espectáculo de danza "Todo é Percusión" e continuará o sábado 28 co XX Encontro de Bandas de Música no que participarán, ademáis da Banda de Arteixo, as de Abegondo e a Asociación Musical de Guardo, de Palencia. 

Nas citas dos próximos meses atopamos ademáis a presentación de "A secreta melancolía da garza" o libro que recolle os textos gañadores e finalistas das edicións 2016 a 2018 do Certame Manuel Murguía que tamén presentará a súa nova edición nestas datas. 

outono