Modificación das bases que regulan as becas comedor
O Pleno da Corporación, en sesión extraordinaria e urxente de data 23/04/2020, aprobou unha modificación puntual das bases que regulan as axudas ao estudo da liña 1 (comedor) para que as familias beneficiarias das mesmas poidan recibir o pago directo das contías concedidas inicialmente.
O estado de alarma polo COVID-19 trae como consecuencia que se deban adaptar medidas de cara a beneficiar ás familias para evitar estados de vulnerabilidade.
Por todo isto, aprobouse a tramitación dun procedemento excepcional para dar unha resposta adecuada ás familias beneficiarias das axudas para comedor, evitando os prexuízos que se lles puidesen producir pola suspensión da actividade educativa e dos servizos educativos complementarios que determina o estado de alarma.
A disposición transitoria implica o seguinte:
- As familias recibirán como máximo a contía concedida inicialmente como axuda para comedor para cada descendente becado.
- As axudas económicas consistirán nunha compensación do custo diario do menú de cada estudante becado entendido como xantar (mediodía).
- Para o cobro da axuda teranse en conta os gastos acreditados entre o 16/03/2020 e o 19/06/2020 (data de final de curso).
- O dereito á axuda revocarase no momento en que se produza calquera modificación nas medidas excepcionais vixente (suspensión da situación, remate oficial do curso, ...).
- Para o pago da axuda deberase achegar xustificación do gasto. A contía abonarase nun pago único.
- Para xustificar os gastos, as familias achegarán facturas (cos requisitos legais) que conterán relación de productos adquiridos e contías desglosadas. Os tiquets de compra só se admitirán como documentos complementarios da factura.
- Para simplificar a xustificación, deberase achegar factura cos gastos realizados por períodos de tempo (15 días mínimo).
- As facturas deberán estar a nome da persoa beneficiaria da axuda (nai/pai/persoa titora).
- A xustificación realizarase no prazo que se habilita ao efecto. Si a situación excepcional actual non cambia, será nos 10 días naturais contados desde o seguinte ao remate do curso (data límite: 29 de xuño de 2020).
- Para a tramitación do ingreso da contía xustificada validada, presentarase a seguinte documentación nos rexistros municipais (presencial ou sede electrónica):
-
- Modelo establecido ó efecto (estará dispoñible na web do concello – www.arteixo.org) na que consta a declaración responsable de cumprimento de condicións e de estar ao día nas obrigas tributarias coas administracións (comprobarase veracidade posteriormente)
-
- Facturas orixinais e demáis documentación complementaria
- Designación de conta bancaria (según modelo) da persoa beneficiaria acompañada de fotocopia de DNI ou documento acreditativo.
- Si é o caso, certificados que acrediten intolerancias ou situacións especiais que requiran de productos de características especiais.
- Para validar a xustificación teranse en conta os productos e cantidades que consten nas facturas adaptados a idade de cada persoa estudante receptora da axuda. Os productos admitidos son os seguintes:
-
- Carnes e derivados
- Peixe e derivados.
- Ovos e ovoproductos.
- Leite e derivados.
- Cereais.
- Leguminosas.
- Tubérculos e derivados.
- Fariñas e derivados.
- Hortalizas e verduras.
-
- Froitas e derivados.
- Bebidas saudables non carbonatas (non alcohólicas)
- Conservas animais e vexetais
- Outros non contidos na presente relación que teña características saúdables e adaptadas ás idades do alumnado becado.