A música medieval de Canta Compaña no centro cívico

Difundir a música coral, en especial a de compositores galegos, é un dos obxectivos polo que en 2006 nace o grupo Canta Compaña que xa enm 2010 editou o seu primeiro disco baixo o título de "Entre pedras".

Con actuacións en toda España e parte de Europa; e colaboracións destacadas como a que tiveron con Luar Na Lubre chegan agora a Arteixo da man da programación da rede cultural da Deputación de A Coruña. Será mañá mércores e como parte das actividades dirixidas aos asistentes do IV Encontro de experiencias Educatic do proxecto Arteixo Innovación. 

A actuación comeza ás 19 h no Centro Cívico e Cultural.